गाजराची बर्फी

गाजराची बर्फीच. हलवा किंवा कोशिंबीर नाही. आपण आज खरोखर गाजराची बर्फी शिकणार आहोत.

                    गाजरा ची बर्फी

साहित्य-
१. एक मोठा बाउल भरून किसलेले गाजर
२. तेवढाच बाऊल भरून खवलेले नारळ.
३. दीड वाटी साखर
४. नैवेद्याची वाटी भरून खवा
५. दोन चमचे पिठीसाखर
६. थाळीला लावण्यासाठी तूप

कृती-
सर्व गाजरे स्वच्छ धुऊन किसून घ्यावीत. एक मोठा बाउल भरून गाजराचा कीस तयार करण्यासाठी अर्धा किलो गाजर पुरेसे आहेत. तेवढाच बाऊल भरून खवलेला नारळ घ्यावा त्यात दीड वाटी साखर घालावी. सर्व पदार्थ एकत्र करून जाड बुडाच्या कढईत गॅस वर ठेवून आटवावेत. घट्ट गोळा झाल्यावर थोडा खवा आणि पिठीसाखर घालून चांगले मळावे थाळ्याला तुपाचा हात लावून त्याच्यावर तो गोळा व्यवस्थित थापून घ्यावा व वड्या पाडाव्यात.

- सौ पुष्पा हेरंब आवटी (माझी आई)